Cogito ergo sum...

Ég á afmæli í dag jeij...

2006-07-12T02:37:00.000+02:00

Halló elsku dúllurnar mínar!

Jæja, þá er maður loksins sestur fyrir framan tölvuna í þeim tilgangi að skrifa smá pistil í tilefni dagsins. Í dag er sá merki dagur 12. júlí. Þann dag árið 1980 fæddist hún ég!!! Það er erfitt að trúa því að það séu komin 26 ár síðan ég leit heiminn fyrst augum, mér finnst eins og það hafi nú bara gerst í gær, man það svo asskoti vel nefnilega... ;)

Það eru víst komnir margir mánuðir síðan ég bloggaði síðast (ég hélt að það væri ekki alveg svo langt síðan sko)! Ég ætla ekki að segja ykkur nákvæmlega allt sem gerst hefur síðan síðast en ætla samt að telja fram svona það allra mikilvægasta!

Ég er formlega búin með fyrsta árið mitt í margmiðlunarhönnun... æi til hamingju elskan mín... já þakka þér kærlega fyrir!

Búin með 2 dönskunámskeið... oh du er en meget dygtig pige skat... tak skal du have!

Komin með vinnu, er að vinna á veitingastað í Fields sem heitir The American... Frábært og hvað, talarðu þá dönsku þar eða?... ja svona bara þegar mér hentar...

Kíkti á Hróarskeldu eitt kvöld, síðasta kvöldið... og hvað, hvernig var, var þetta ekki geggjað eða?... Jú, þetta var svo sem ágætt, allir voru samt orðnir heldur þreyttir og sjúskaðir og þar með talið svæðið. Hugsa að ég reyni að fara fyrr næst, já eða hreinlega ekkert að fara bara!!

Jæja, þar með held ég það sé upp talið, hugsa það, er samt ekki alveg viss, vona það samt... æi hef ekki hugmynd!

Nú ætla ég að fara að koma mér í háttinn elskurnar mínar, það er langur afmælisdagur framundan. Þarf að mæta í vinnu klukkan 12 á morgun til 21 annað kvöld en þarf að vakna snemma til að taka á móti öllum afmælispökkunum sem þið senduð mér... þið senduð mér örugglega pakka er það ekki... djók... þarf að setja á eitt stykki köku til að fara með í vinnuna! En svona by the way þá er þetta fyrsti afmælisdagurinn minn á erlendri grund og það er hálf asnalegt verð ég að segja ykkur! Ég vildi óska þess að ég gæti haft alla hérna hjá mér á afmælisdaginn minn!

Góða nótt krúttin mín og eigið þið góðan 12. júlí... lofa að vera duglegri í blogginu í komandi framtíð!

Over and out... þessi sem er rétt nýorðin 26 ára!

Hvaða hvaða...

2006-04-27T02:15:00.000+02:00

Hvaða djöfs... nöldur og kvart og kvein er þetta!! Ég blogga sko bara þegar mér hentar elskurnar mínar og ekki mínútu fyrr... ;)

Over and out... þessi sem nennir ekki að blogga!!

Styttist í heimkomu...

2006-04-03T23:30:00.000+02:00

Halló gott fólk!

Jæja, það er orðið ansi langt síðan ég bloggaði síðast. Það er búið að vera alveg nóg að gera hjá manni. Núna styttist nefnilega í að maður komi heim til Íslands og þá fer allt á fullt!! Ég þarf að skila stóru verkefni á föstudaginn, þarf að kaupa föt fyrir ferminguna og svo þarf að þvo þvott og þrífa og ég veit ekki hvað og hvað sko! En þetta er svona allt að mjakast, ég er með forgangsröðina alveg í lagi... ég er búin að versla föt, fara í klippingu og taka síðasta djamm hér fyrir páska en allt þetta leiðinlega er eftir ojjj... nenni ekki að læra og nenni ekki að þrífa... :)

En vitiði hvað??? Oj þetta er svo ógeðslegt ójj barasta jakk sko bara! Ég sat hérna núna áðan í makindum að skrifa bloggið mitt og sá þá einhverja hreyfingu hjá stiganum hérna... þá kom hlaupandi alveg ógeðslega stór könguló, hún var jafn stór og mús, ég get svo svarið fyrir það! Ég stökk upp og hljóp inn á bað en ég á ekkert pöddusprey svo að ég tók bara hársprey og spreyjaði á hana en hún stakk af og ég týndi henni! Svo ég hljóp eins og andskotinn yfir til Jóns nágranna míns og skólafélaga og bað hann að koma og finna dýrið og drepa það! Hann kom hérna yfir og við leituðum og leituðum og eftir 10 mínútur fundum við dýrið og börðum það með inniskó og sturtuðum því í klósettið. Ég er samt ennþá að athuga hvort að það séu fleiri hérna og mér líður eins og það séu nokkrar á mér, mér klæjar alls staðar... :(

En jæja ég nenni ekki að skrifa meira í bili og efast um að það komi annar pistill fyrr en ég verð komin til Íslands, hef nefnilega aldrei bloggað á Íslandi og verð því aðeins að prófa það!

Over and out... könguló, könguló vísaðu mér á berjamó... ójj barasta!!

Vikupistillinn...

2006-03-23T18:07:00.000+01:00

Jæja gott fólk!

Þá er víst komið að vikupistlinum mínum en líkt og síðast er ég alveg blankó og veit ekkert um hvað ég á að skrifa! En yfirleitt næ ég nú alveg að bulla mig út úr því... :)

Þessi vika er búin að vera alveg svona skítsæmileg hjá mér. Við erum að byrja að læra eitthvað nýtt í skólanum sem heitir php og ég er ekki svona alveg að ná því sem kennarinn er að segja en það kemur vonandi, ég hef alla helgina til að lesa!!

Ég var ógó dugleg á mánudaginn og fór í ræktina í annað skiptið á þessu ári, þvílíkt hvað maður er orðin duglegur, farin að fara í ræktina alveg annan hvern mánuð hah.... En núna gengur sko engin leti, maður er að breytast í alveg hræðilega hlussu, já ég segi það og skrifa, HLUSSU!! Jón var loksins að klára að gera videó frá því á Friday barnum í skólanum í desember (karaoke kvöld) og þar sá ég bara svart á hvítu (var reyndar í lit en...) að ég er algjör hlunkur og hlussa og nú er komin tími til að gera eitthvað í málunum!! Það er reyndar alltaf sagt að myndavélin bæti á mann nokkrum kílóum en mér finnst MJÖG hæpið að hún hafi bara bætt þeim á mig, ekki nema henni sé illa við mig og hafi ákveðið að bæta öllum þeim kílóum sem áttu að fara á aðra á mig!! Það er náttlega alveg spurning sko... en held samt að svona líti ég bara út og það er sko ekki gott... :(

Eins og alltaf eru vikurnar hérna alveg hræðilega fljótar að líða, það er alltaf helgi og svo er helgin alltaf búin og þá er komin leiðindar mánudagur en svo er aftur komin helgi en svo kemur alltaf aftur mánudagur... æi þið vitið um hvað ég er að tala... :) En ég var samt hálfgerður hrakfallabálkur í vikunni!! Á mánudaginn var ég að flýta mér svoooo mikið að elda svo að ég gæti farið með Elísabetu og stelpunum í keilu að ég sullaði sykri út um allt eldhús og á heita helluna og allt!! Það var alveg hræðileg lykt hérna inni hjá mér, bráðin sykur og fínheit! Svo ég fór ekkert í keilu, fór bara í fýlu í staðinn...
Í gær hélt svo hrakfallasagan áfram og ég hrundi niður tröppurnar hérna heima hjá mér. Ég var hálfnuð niður stigann þegar ég rann á helv... nælonsokkabuxunum sem ég var í og endaði á neðsta stigaþrepinu. Svo nú er ég marin og blá og bólgin frá rist og upp á sköflung og svo teygðist alveg rækilega á hendinni minni þegar ég reyndi að ná haldi! Það versta við þetta allt saman er að það var engin hérna til að hugga mig... *væl*... ekki það að ég hafi vælt sko en ég hefði örugglega gert það ef einhver hefði verið hérna til þess að hugga mig! Það er ekkert gaman að væla einn, það er langbest að væla þegar einhver getur huggað mann og kysst á bágtið, annað er bara tilgangslaust því að maður fær enga athygli, ekki satt??? :)

Jæja, best að fara að punta sig og gera sig sætan af því að í kvöld er ég að fara í fansý smansý kokteilpartí til Birgittu... jeihh... jibbí... jes... :) Mér finnst svoo gaman að fara í partí og skil bara ekki afhverju ég geri það ekki oftar... ;) Ég segi ykkur frá því öllu saman á morgun, já eða hinn, já eða allavega í næstu viku híhí... ;)

Over and out... mér er svo illt í löppinni... helv... #$%&... nælonsokkabuxur!

Ps. Hérna er nýja myndbandið með Silvíu Nótt, Congratulation... Flottir búningar hjá stelpunni og eins og alltaf, flott lag... ;) http://kvikmynd.is/myndband.asp?id=2078

Blogga blogga...

2006-03-16T16:02:00.000+01:00

Helló helló!!

Fyndið hvað þetta bloggdæmi byrjaði vel en svo er eins og maður bara geti ekki skrifað meira. Mér finnst eins og ég sé búin að segja ykkur allt og nú er ég bara með ritstíflu, hugmyndasnauð. Ég ætlaði nú alltaf að nota þetta blogg til að deila með ykkur mínum hugsunum og draumum en mínar hugsanir eru mjög oft frekar skrítnar og hálfgert kaos þar á ferð og mínir draumar eru yfirleitt bara draumórar og þeir fljóta langt yfir eðlileg mörk... :)

Síðasta vika hjá mér er búin að vera frekar róleg. Ég var fram á nótt á mánudaginn að klára verkefni sem ég átti að skila daginn eftir svo nú er ég gjörsamlega búin að snúa sólarhringnum við. Ég sef á daginn og vaki á nóttunni, voðalega gaman!! En ég fékk samt jákvæðar fréttir í byrjun vikunnar. Ég fékk mína fyrstu einkunn á þessari önn... ég fékk 10... reyndar af 13 en yfirleitt er ekki gefið 13 hérna. Svo þetta er svona eins og 9 eða 9.5 sem er alveg þokkalegt og við vorum hæst í okkar bekk og ég held að það hafi enginn annar hópur fengið 10... ;)

Síðustu vikur og mánuði er ég búin að vera að hugsa og hugsa um lífið og tilveruna og það sem framundan er og einnig það sem liðið er. Það eru ýmsir kaflar í mínu lífi sem ætti að vera lokið en ég virðist alltaf flétta aftur til baka til að glugga í þá aftur. Ég vil breyta þessum köflum, endurskrifa þá svo að ég fái minn eigin hamingjusama og góða endi. En það er víst ekki hægt, það er víst engin "spóla til baka" takki á lífinu. En þessi staða er líka svo óþægileg þegar þú ert ekki einu sinni viss um að þó að þú gætir breytt öllu og fengið það sem þú vildir hvort þú yrðir þá hamingjusamur. Hjartað virðist oft vilja fara aðrar leiðir en samviskan og rökhyggjan.

Djúpt í sál okkar, að baki sársaukanum,

að baki allra truflana lífsins, er víðfeðm kyrrð,

veraldarhaf rósemdar, sem ekkert fær truflað,

ómælisfriður náttúrunnar sjálfrar,

ofar öllum skilningi.

Það sem við leitum sem ákafast að,

hér og þar, alltaf ofar og utar,

það finnum við loks í sjálfum okkur.

Kannski er eitthvað point í þessu! Kannski verðum við að læra að þekkja okkur sjálf og elska, áður en við getum lært að elska einhvern annan.

En jæja, ég held að ég sé orðin alltof væmin núna. Þetta er örugglega ekki það sem fólk vill lesa um, mínar stórfurðulegu hugsanir. Þið viljið örugglega frekar heyra einhverjar krassandi fréttir úr mínu daglega lífi... en mér þykir leitt að valda ykkur vonbrigðum, ég lifi engu glamúr lífi hérna úti og er bara mannleg. Ég hef samt reynt að krydda svolítið og ýkja þegar ég segi frá svo að líf mitt hljómi súber dúber skemmtilegt. Ekki það að líf mitt sé leiðinlegt, engan veginn sko. Mér líður vel hérna úti og er alltaf og endalaust að reyna að lifa lífinu lifandi og gera eitthvað nýtt og skemmtilegt... ;)

Over and out... ein sem er búin að horfa of mikið á sápuóperur!!

Ps. ekki halda að ég sé í einhverju þunglyndi hérna, ég er bara að reyna að nota bloggið til að koma skipulagi á mínar hugsanir og þessa vikuna snúast þær um þetta... :)

Jæja þá í þetta sinn...

2006-03-10T14:53:00.000+01:00

Góðan daginn allir saman!

Ég vill byrja á að biðjast innilegrar afsökunar á töfum á nýjum pistli. Ég veit að það eru allir búnir að bíða súper dúber spenntir hehe... svakalegt sjálfsálit hjá manni alltaf hreint!! En þannig er mál með vexti að það er búið að vera alveg kolvitlaust að gera hjá mér og þegar heim er komið eftir langan dag þá hef ég bara hreinlega ekki nennt að kveikja á tölvunni og byrja að skrifa, það er miklu skemmtilegra bara að leggjast uppí sófa með popp og kók (og kannski smá súkkulaði)!!

Síðasta helgi endaði eiginlega öll með djammi og svo sófakúri daginn eftir. Ég fór á Fridaybarinn í skólanum á föstudagskvöldið og það var bara alveg þokkalegt stuð þar sko. Á laugardeginum ætluðum við Elísabet sko ekkert að gera en það endaði með því að Birgitta náði að draga okkur í keilu. Við náðum að drattast úr sófanum, skella á okkur meiki og henda okkur í föt. Við fórum í keilu um tíuleytið og vorum þar til tólf. Þetta var svona diskókeila með bar og alles, svaka flott. Ég er náttlega algjör auli þegar kemur að öllu sem flokkast undir íþróttir. Ég fékk lang lægstu stiginn, 250 stig á meðan allir hinir voru með svona 500 stig... ég var alveg að brillera með að hitta í rennuna. Innan um keilurnar var alltaf ein bleik keila og þegar hún lenti fremst þá var tilkynnt í kallkerfinu á hvaða braut hún væri og hver ætti að skjóta og ef fólk náði fellu þá fékk sú braut frí skot á línuna. Við biðum allt kvöldið eftir að fá bleika fremst og guess what?? Ég fékk hana, ég sem var langverst í okkar liði. Gaurinn tilkynnti öllum að Jórunn á braut 3 væri að fara að skjóta og allir fylgdust spenntir með. Ég spýtti í lófana og rauk af stað og hitti líkt og fyrr beint í rennuna fínu. En hann var svo sætur í sér þessi tilkynningargaur að hann gaf mér annan séns. Svo ég rauk aftur af stað og náði að hitta allar nema eina!!! Það fékk engin neitt að drekka en ég er samt alveg asskoti stolt af mér... :)
Eftir að hafa gert mig að fífli í keilu þá skelltum við okkur niður í bæ á Samsbar til að syngja í karaoke. Við tókum nokkur vel valin lög og stóðum okkur með stökustu prýði. Meira að segja Elísabet tók lagið og ég er alveg þvílíkt stolt af henni, hún stóð sig mjög vel og ég er nokkuð viss um að fyrst hún er byrjuð þá getur hún ekki hætt!! Pétur hennar Birgittu ætlaði líka að syngja og valdi lagið 500 miles en þegar lagið byrjaði þá var þetta ekki lagið sem við héldum að þetta væri, "I would walk 500 miles and I would...", heldur einhver kántrísálmur eða eitthvað, "walk 500 miles for my lord..." En hann tók þetta samt alveg ágætlega þrátt fyrir að þekkja lagið ekki vel!! Það var sem sagt mikið hlegið og drukkið og við skemmtum okkur alveg konunglega... :)

Á mánudaginn var svo langur skóladagur, ekki gaman. Á þriðjudaginn fór ég náttlega aftur í skólann en eftir skóla fórum við á opið hús í Álaborgar Háskóla hér í Kaupmannahöfn. Þar var verið að kynna Mediology sem er nám sem ég get tekið eftir að hafa klárað diplómanámið í Multimedia design. Við fengum að sjá allt sem nemendurnir þar eru að gera og það var alveg svakalega flott. Þetta nám var upphaflega búið til svo að margmiðlunarhönnuðir gætu bætt við sig frekari menntun og það vantaði eitthvað til að brúa bilið á milli margmiðlunarhönnunar og Computer Science, sem er ekki alveg á sama sviði. Í mínu námi núna þurfum við að hugsa og hanna innan ákveðins ramma, reyna að selja ákveðnar hugmyndir og þess háttar, en þarna fáum við loks tækifæri til að vera hugmyndarík og hugsa út fyrir ramman. Þarna er okkur kennt hvernig mannshugurinn virkar og svo hvernig tölvan virkar og hvernig við getum látið tölvuna virka eins og heilann. Það voru alveg ótrúlegustu hlutir sem fólk var að gera þarna t.d. teiknimyndir en í stað þess að nota kóða til að láta persónurnar hreyfa sig þá nota þau skynjara sem sem settir eru á fólk og þegar fólkið hreyfir sig þá hreyfist persónan á skjánum líka. Voru líka með allskyns óhefðbundin tónlistarforrit sem þau höfðu búið til. Svo er líka kennt hvernig hægt er að búa til svona sýndarveruleika (Virtual Reality) dæmi. Ég varð alveg heilluð af þessu öllu saman og er að fara í þetta nám á næsta ári þegar ég er búin með Multimedia designer. Þetta nám tekur 2 ár og þá er ég komin með B.s. gráðu í Mediology en svo get ég bætt 2 árum við í viðbót og sérhæft mig í einhverju ákveðnu, t.d. leikjum, hljóði, sýndarveruleika eða einhverju og þá er ég komin með master í Mediology. Þetta er samt miklu erfiðara nám heldur en ég er í núna og alveg hellings stærðfræði sem ég þarf að læra en ég hugsa að ég geti þetta alveg. Það eru samt aðallega strákar sem velja þetta nám og flestar stelpurnar í mínum bekk ætla frekar í Media og Art design eða eitthvað svoleiðis af því að þeim finnst þetta of erfitt. En ég VEIT að ég get þetta alveg og pæliði í því hvað þetta yrði skemmtilegt híhí... ;)

En jæja nú er ég búin að segja ykkur alla sólarsöguna af mér síðustu vikuna eða svona nánast, nennti nú ekki að skrifa alveg allt. Og nú er víst komin helgi aftur, það er alltaf helgi eða væri það allavega ef þessir virku dagar væru ekki að þvælast fyrir alltaf hreint. Ég er ekkert búin að ákveða hvað verður brallað um þessa helgi en það verður örugglega eitthvað skemmtilegt. Þarf nú reyndar að þvo þvott og gera einhverja svoleiðis leiðinlega hluti en ætla sko ekki að eyða allri helginni í það!!

En þá er bara að kveðja í bili og lofa að láta ekki líða svona langt á milli skrifa... :)

BLESS ELSKURNAR MÍNAR OG ÓGESSLEGA GÓÐA HELGI... LOVE YA ALL!!

Over and out... ég veit að ég get allt!!

Bla bla bla

2006-03-07T23:55:00.000+01:00

NENNI EKKI AÐ BLOGGA Í KVÖLD... ER ÓGÓ ÞREYTT OG BÚIÐ AÐ VERA BRJÁLAÐ AÐ GERA SÍÐUSTU DAGA!!!

LOFA AÐ BLOGGA Á MORGUN OG ÞÁ VERÐUR SKO BLAÐRAÐ OG BLAÐRAÐ OG BLAÐRAÐ!

OVER AND OUT... TALK TO YA ALL LATER!!

Eitthvað að bila hérna...

2006-03-06T18:23:00.000+01:00

Jæja, ég ætla að prófa að skrifa hérna og athuga hvort að það virkar. Það virðist vera einhver bilun í kerfinu eða eitthvað, get ekki séð bloggið mitt!! Ætla sko ekkert að skrifa of mikið ef þetta virkar svo ekki... ;)

Over and out... talk to ya all later!

Stövlerne...

2006-03-01T00:30:00.000+01:00

Helló helló!!

Jæja, loksins koma myndir af mine fansy smansy stövler! Þau eru ógó ógó flott en líklega ekki það sem þið bjuggust við hehe... ;)

Finnst ykkur þau ekki flott?? Þetta eru sko flottustu stígvél í heimi!! En ég veit að þetta var ekki alveg það sem þið bjuggust við hah... þið hafið líklega haldið að ég hafi verið að kaupa mér einhver brjáluð gellu leðurstígvél. En það eru bara ungu stelpurnar á Istedgade sem ganga í svoleiðis hehehehehehe... ya all know what I´m talking about hehehe... ;) En svona grínlaust þá er búið að snjóa hérna og rigna til skiptis í margar vikur og ég er alltaf hundvot og rennandi blaut svo að ég skellti mér í búð og keypti mér vaðstígvél! Og þar sem ég er með pínulitlar fætur (Hobbit) þá fór ég beint í barnadeildina og þar var sko svakalegt úrval af dýrindis vaðstígvélum. Valið stóð á milli þessara eða Turtles en þau voru svo víð um öklann að ég varð að taka þessi. Gerði sko kjarakaup, aðeins 39 dkk eða ca. 400 ísk., geri aðrir betur... ;)

En látum myndirnar tala sínu máli og ég ætla að kveðja í bili.

These boots are made for walking... lalalala.... lalala.... I´m gonna walk all over you... híhí...

Over and out... with love from me and my boots!!

Humar ummm...

2006-02-25T17:53:00.000+01:00

Halló elskurnar mínar!

Ætlaði bara aðeins að blogga til að segja ykkur að ég er að fara að elda humar ummm... Elísabet ætlar að koma í mat til mín og við ætlum að eta á okkur gat!! Við ætlum bara að vera rólegar í kveld, ekkert djamm sko! Þetta djammerí er farið að verða ansi þreytt, það var reyndar mjög gaman síðustu helgi og það er alltaf gaman að kynnast nýju fólki en nú er komin tími til að slaka á og bara njóta þess að vera til... án áfengis... allavega tímabundið... ;)

Í fyrsta skipti, síðan ég opnaði bloggið held ég, ætla ég að hafa þetta stutt. Ég hef alltaf svo mikið að segja að ég bara get ekki stoppað en ég ætla að láta þetta bara duga og koma svo með lengri pistil næst! Síðasti pistill var svo ógó leiðinlegur, eitthvað klukk dæmi, að ég lofa að næsti verður súper dúber áhugaverður og kannski sýni ég ykkur mynd af nýju stígvélunum mínum, þau eru geggjuð... ;)

Ég er svo mikið fífl! Ég held að ég sé búin að skrifa pistil um að ætla ekki að skrifa pistil!! En nú stopparðu Jórunn mín, þú ert að fara að elda humar, átt von á gest í mat og átt eftir að fara í sturtu, þetta gengur ekki svona!! Ok þá...

Over and out... með sól í hjarta og humar í vaskinum!!

Klukki klukk...

2006-02-23T15:26:00.000+01:00

Jæja, þá er víst komin tími til að svara klukkinu!! Fyrir þá sem ekki vita hvað það er að vera klukkaður skal ég reyna að útskýra það aðeins. Það er víst eitthvað fyrirbæri að tröllríða bloggheiminum sem kallast klukk. Þá þarf maður að svara nokkrum spurningum um sjálfan sig og klukka svo einhverja aðra sem þurfa að gera slíkt hið sama. Þetta er svona eins og að vera í eltingarleik og þegar þú nærð einhverjum (klukkar) þá breytist sá aðili í þann sem eltir. En jæja here goes...

4 störf sem ég hef unnið um ævina:

Flokkstjóri hjá Sandgerðisbæ
Innritun hjá IGS
Verslunarstjóri á Subway Hringbraut Rvk.
Þjónustustúlka á Hard Rock Café Rvk.

4 bíómyndir sem ég gæti horft á aftur og aftur:

Crossroads (Britney Spears rules... hehe)
Police Academy myndirnar (alltaf jafn fyndnar)
50 first dates (æðisleg mynd)
Nýi stíllinn keisarans (besta teiknimynd ever)

4 staðir sem ég hef búið á:

Sandgerði (hef nú reyndar búið á 6 stöðum þar)
Reykjavík (hef búið á 4 stöðum þar)
Kaupmannahöfn (hef búið á 3 stöðum hér)
Þýskaland (aðeins 1 staður en það var líka alveg nóg sko..)

4 sjónvarpsþættir sem mér líkar:

Friends
Simpsons
Futurama
Charmed

4 staðir sem ég hef heimsótt í fríum:

Luxembourg
Mallorca
Krít
Kanaríeyjar

4 heimasíður sem ég skoða reglulega (fyrir utan blogg):

Fronter (skólasíðan)
Mbl (til að skoða stjörnuspánna, er ekki mikil fréttamanneskja)
Heimabankinn (aldrei neitt skemmtilegt þar)
w3schools (kennir manni ýmislegt um veraldarvefinn)

Fernt matarkyns sem ég held uppá:

Plokkfiskur
Pylsur og kartöflumús
Camembert
Humar

4 bækur sem ég les oft:

Pússluspilið
Maðurinn með ljáinn
Hann var kallaður þetta
Ofsótt

4 staðir sem ég myndi heldur vilja vera á núna:

Heima hjá mömmu minni og fjölskyldu
Á sólarströnd
undir sæng að kúra
Að syngja og dansa á einhverjum brjáluðum skemmtistað

4 bloggarar sem ég klukka:

Sibba díva
Jón Hnefill
Eva Dís
Ása Sóley

Þá er þetta komið gott fólk! Þetta er sko ekki það skemmtilegasta sem ég geri en maður verður víst að svara þegar maður er klukkaður, annars er leikurinn ónýtur. En þetta er svona álíka leiðinlegt og keðjubréfin sem ég er alltaf að fá send á mailið mitt! Maður er svo hjátrúarfullur eitthvað að maður þorir ekki að slíta þessu en þessi bréf verða alltaf verri og verri. Fyrst var sagt að ég fengi margra ára ógæfu ef ég svaraði ekki og myndi aldrei finna sanna ást en núna er það bara dauði og læti ef ég sendi þetta ekki til 15 annarra á næstu 3 mín!! Ég er alveg komin með nóg af þessu keðjudóti... please ekki senda mér keðjubréf... ÉG HATA ÞAU!! En þetta klukki klukk er nú ósköp meinlaust og ég get svo sem alveg tekið þátt í því... annars lagið!

Over and out... hikk klukki klukk!

Gaman, gaman... ;)

2006-02-21T13:40:00.000+01:00

Jæja góðir hálsar!

Nú er maður loksins komin aftur með nýjan pistil! Ég gerði mér enga grein fyrir því að það væru svona margir að fylgjast með mér og mínum skrifum. Ég hélt að ég væri þokkalega búin að drekkja ykkur röfli og ætlaði því aðeins að leyfa ykkur að anda... en maður má nú ekki láta aðdáendur sína bíða of lengi... ;)

Það er nú reyndar aldrei neitt nýtt að frétta af mér, svo allt sem ég skrifa er nú óttalegt ruglumbull og þvæla en það er samt ágætt að koma þessu ruglumbulli frá sér svo maður drukkni ekki í eigin skrítnu hugsunum heldur deili þeim með öðrum... ;)

Aldrei þessu vant var ég að djamma um síðustu helgi!!! Ég hélt svona íslenskt "Evróvisjon" partí heima hjá mér til að styðja Silvíu Nótt. Hún er nú algjör snilld þessi stelpa og alveg ótrúlegt að hún skuli alltaf halda andlitinu þegar hún er í hlutverki Silvíu Nóttar (Nætur). Ég hef nú reyndar heyrt gagnrýnisraddir tengdar því að hún taki þátt í "Evróvisjon" en við látum þær bara sem vind um eyru þjóta!! Persónan Silvía Nótt SKAL taka þátt í þessari keppni og vonandi vinna hana... ;)
Eftir keppnina var slegið upp svaka dansiballi í litlu íbúðinni minni, húsgögnin færð til og allt sett í botn! Þetta var alveg ógó skemmtó (nýyrði í blogg- og msn geiranum)... ;) Við dönsuðum reyndar svo mikið að þegar ég vaknaði daginn eftir þá komst ég að því að ég er ekki 16 ára lengur heldur næstum 26 ára. Líkami minn var allur í lamasessi og ég er enn að jafna mig í dag!! Nú er bara að taka sér tak og koma sér í dansform fyrir aðalkeppnina í maí, því þá verður tekið á því og dansað alla nóttina... ;)

Ég var á msn í gær að spjalla við mann og annan og náði loksins í skottið á henni Ásu vinkonu minni. Ég hef ekki heyrt í henni í háa herrans tíð af því að nú er hún svo upptekin, komin með tvo yndislega gullmola sem hún þarf að hugsa um. Hún gaf sér nú smá stund frá dagsins amstri til að setjast niður og spjalla við mig og það var mjög notalegt. Eftir að hafa spjallað um daginn og veginn kom upp sú umræða að hún væri að verða veik. Ég spurði hvað væri að og hún sagðist vera að fá einhverja flensu og hélt kannski að það væri fuglaflensan. Ég brást harkalega við og sagði að hún mætti sko ekki fíflast með svona lagað, fuglaflensan væri sko ekkert djók. En þá sagði hún sallaróleg að hún væri ekki að tala um "The Fuglaflensa" heldur "Furðufuglaflensuna" sem væri að ganga!! Það er víst svona pest sem þú færð eftir að hafa verið innan um of marga furðufugla og vitleysinga!! Ég hugsa að ég sé alveg búin að fá tífaldan skammt af "Furðufuglaflensunni" undanfarin ár, enda búin að umgangast margan furðufuglinn í gegnum tíðina! Eða kannski er ég smitberinn, öðru nafni hinn alræmdi furðufugl hehehehehe.... aldrei að vita sko... ;)

Held að ég láti þetta ruglumbull mitt duga í bili en ætla samt að enda á að nota tækifærið til þakka mömmu og ömmu og afa fyrir sendinguna á sunnudaginn var. Fékk fullt af skemmtilegu dóti og þar á meðal humar ummmmm.... ;)

Over and out my fanclub...

Ps. Nýr texti við "Til hamingju Ísland" væntanlegur fljótlega... Jorunn Shark, glowing in the dark... Stay tuned!! ;)

Skóli, skóli og aftur skóli...

2006-02-16T10:39:00.000+01:00

Góðan og blessaðan daginn gott fólk!!

Ég er hérna í pásu í skólanum og ákvað að skrifa nokkur orð á meðan! Það er nú reyndar ósköp lítið að frétta af mér en maður má nú ekki láta sér leiðast... ;)

Ég er búin að vera svooo dugleg síðustu daga að það er bara alveg ótrúlegt! Á þriðjudagsnóttina (á frekar erfitt með svefn) ákvað ég að vera ÝKT dugleg og taka skápana hjá mér í gegn, eitthvað sem átti að gerast síðustu helgi en bara hreinlega gleymdist (ég reyndar reyndi að hemja rykhnoðrana mína þá en þeir urðu hálf fúlir út í mig og komu bara sterkari inn aftur!!) Svo núna er allt svo skipulagt og fínt í mínum skápum og skúffum og ég er ekki í bráðri lífshættu þegar ég opna (en rykhnoðrarnir gætu hinsvegar verið í bardagahug hmm... ;))!!!

Í gær fór ég svo með skó í viðgerð vegna þess að hælarnir voru bara hreinlega ónýtir eftir litlu kubbastéttarnar á Strikinu! Alveg ómögulegt að labba Strikið í háhæluðum skóm, maður er alltaf eins og fífl og festir hælana á milli kubbana í hverju skrefi. Um daginn var ég t.d. á leiðinni í afmæli sem haldið var á bar á Strikinu og var sko algjör gella, kom gangandi upp (niður) strikið með hárið flagsandi og dillaði mér alveg svakalega... og hvað haldiði að hafi gerst?? Ég festi helv... hælinn á milli og varð eins og asni að snúa við og sækja skóinn... og eins og pen dama þá stakk ég fætinum í skóinn og ætlaði að losa hann þannig en hann haggaðist ekki!! Ég varð því að leggja gellu "lúkkinu" og beygja mig niður og toga af öllum kröftum þar til hann losnaði. Ég var því ekki mikil gella það sem eftir var kvöldsins því þegar ég labbaði heyrðist svona plaff, klikk, plaff, klikk og það er ekkert rosalega sexý... ;)

Eftir skóviðgerðaleiðangurinn kíkti ég með Birgittu og Elísabetu á kaffihús. Þetta átti bara að vera stutt stopp, smá heitt kakó af því að okkur var svo kalt en endaði með því að þær skvísur drukku 8 bjóra og ég 3 kók og við vorum þarna inni í næstum 6 klukkutíma!!! En þetta var samt mjög notalegt kvöld meðal góðra vina... :)

Jæja, ætli ég verði ekki að fara að gera eitthvað fyrst ég er nú hérna í skólanum! Javascript, actionscript, visualisation, organization, colors, typography eða hvað þetta nú allt saman heitir er efst á baugi þessa vikuna, svaka stuð bara hahhh...

Over and out people... ;)

Jæja hér koma nokkrar myndir...

2006-02-14T00:35:00.000+01:00

Ætla að láta hérna einn svaka góðan sem ég fann á netinu fylgja með myndunum:

Þegar Guð hafði skapað Adam og Evu sagði hann: "Nú á ég tvær gjafir eftir handa ykkur, kúnstina að pissa standandi og..." Hana vil ég fá!" hrópaði Adam. Eva kinkaði kolli játandi og Adam fékk gjöfina... Adam skríkti af kæti, hljóp um allan lystigarðinn, pissaði á trén upp og niður, þaut niður á strönd og pissaði allskyns munstur í sandinn...

Guð og Eva fylgdust kímin með hamingju Adams og Eva spurði: "hver er hin gjöfin?" Guð svaraði: "Heilinn, Eva... heilinn!!"

Þessi er alveg svakalegur.... hahahahahahahahhahahahaha..... ekta karlmaður... fljótfærnin alveg að drepa þá!!! ;)

Jæja, hérna koma nokkrar myndir síðan síðustu helgi!!

Jæja, þá er þetta svona nánast komið! Ég nenni ekki að skrifa hver er hver eða hvað, þið giskið bara... Ég, Jón, Annette, Klara, Elísabet, Alessandro, Thomas og Ditte... ;) Flest allar myndirnar eru teknar í Metro á leiðinni niðrí bæ, við virðumst nefnilega alltaf að gleyma að taka myndir áður en við förum út og þegar við komum niðrí bæ, þetta verður því bara að duga í bili!!!

Over and out... stay cool!!!

Ps. endum hérna á einum kossi... GÓÐA NÓTT ALLIR SAMAN.... ;)

Letikast...

2006-02-12T19:45:00.000+01:00

Jæja gott fólk, þá er helgin á enda og við tekur ný vinnuvika. Ótrúlegt hvað þessar helgar eru fljótar að líða. En maður verður víst bara að bíta í það súra epli og taka nýrri viku fagnandi örmum... ;)

Ég kíkti út með nokkrum vinum í gær og kom heim klukkan 8 í morgun. Þetta var bara alveg ágætt, mikið drukkið af herra Carlsberg og vinum!! Dagurinn í dag er því frekar svona dapur og inniheldur nettan hausverk og létta magakveisu... ;)

En jæja, ætla ekki að hafa þetta lengra í bili. Ætla að leggjast undir teppi og horfa á einhverja geggjaða stelpumynd og borða ís!! Skrifa meira á morgun þegar heilsan er orðin góð... ;)

(Hang)over and out...

Ps. reyni kannski að láta einhverjar myndir fljóta með næsta pistli!!

Þvottadagur...

2006-02-11T14:20:00.000+01:00

Góðan og blessaðan daginn allir saman!
Það er yndislegt vetrarveður hérna hjá mér í Kaupmannahöfn, sólin skín en það er frekar kalt. Í dag er víst laugardagur og ég var búin að lofa sjálfri mér að taka íbúðina í gegn og það ætla ég að reyna að gera. Þarf að þrífa, þvo þvott og taka til í skápunum hjá mér áður en allt hreinlega flæðir út!! En ég tek bara eitt skref í einu og fyrsta skrefið er að hanga aðeins fyrir framan tölvuna og fá mér svo kannski smá hádegismat, hvernig hljómar súkkulaði??

Ég er að spá í að skella mér á djammið í kveld, veit samt ekkert hvað ég ætla að gera! Held að það sé partí hjá Jóni en er samt ekki viss. Svo er auðvitað Íslendingafélagið með Þorrablót í kvöld og svaka ball á eftir. Veit ekkert hvað ég geri en hugsa samt að ég reyni að vera edrú, nenni ekki að eyðileggja morgundaginn með þynnku! Takið eftir að ég sagði REYNA að vera edrú, ætla ekki að lofa neinu svo ekki sé hægt að nota neitt gegn mér... ;)

Jæja, ég held að ég láti þetta bara duga í bili. Veit ekkert hvað ég get sagt ykkur meira. Ætlaði að vera svo spekingsleg og segja svo margt sniðugt en ég er eins og versti karlmaður og get því miður ekki gert tvo hluti í einu!! (Er sko að horfa á sjónvarpið og reyna að skrifa... þeir skilja þetta sem þekkja mig... og allir hinir örugglega líka! ;))

Over and out... and pís on earth!!

Ps. vona að hestamennskan hjá Spangólínu frænku 1, Spangólínu frænku 2 og Sjóaranum mikla hafi gengið vel! Væri sko alveg til í að sjá ykkur brussulínurnar á hestbaki og sérstaklega mæðgurnar með aukahlutina hahahahahahahaha......

Ryk og geggjaðir danir...

2006-02-10T01:59:00.000+01:00

Jæja, þá er alveg að koma helgi... aftur! Það er allt í drasli hjá mér og ég nenni ekki neinu. Ég hugsa að ég láti helgina bara fara í að taka til og þvo þvott og þess háttar. Það er samt alveg ótrúlegt að maður virðist alltaf vera að taka til en þetta kemur bara aftur og aftur. Ég er alveg viss um að ryksugur er bara einhver sölubrella og nú liggur einhver snillingur á sólarströnd í Mexíkó og hlær af öllum vitleysingunum sem keypti af honum "ryksugu"!! Ég hugsa að ryksugur blási allt rykið út í loftið og svo smám saman næstu daga leggst það yfir allt aftur... þetta er allavega mín tilgáta. Hvernig stendur annars á því að það kemur ryk svona fljótt aftur eftir þrif?? Nei, ég bara spyr...

Frá ryki yfir í snarvitlausa dani!
Skil ekki dani!! Þeir eru svo ótrúlega seinir að öllu að það er bara lyginni líkast. Fyrir jól fór ég og keypti mér síma í einni af mörgum símabúðum hér. Ég vildi fá að halda mínu gamla símanúmeri og það var ekkert mál... tekur ekki nema 60 daga að færa númer frá "frelsi" yfir í áskrift! 60 DAGA!! Ekki alveg allt í lagi með þetta lið sko. Svo ég fékk mér auðvitað nýtt númer, ég meina 60 DAGAR!!!!!
Í dag fékk ég tilkynningu í póstinum um að vörur sem ég pantaði væru komnar á pósthúsið. Ég settist upp á hjólið og hjólaði á móti vindi í grenjandi rigningu upp á pósthús, sem er slatta langt frá. Þegar þangað kom gekk ég inn og þar var engin að bíða svo ég fór strax að borðinu en konan gat ekki afgreitt mig fyrr en ég var búin að taka miða!! Svo ég þurfti að fara fram á gang aftur og ná mér í miða, líklega út af ósýnilegu röðinni á undan mér!! Svo rétti ég afgreiðsludömunni númerið mitt og pöntunarmiðann og hún fór af stað en snéri svo snöggt við og sagði að ég mætti ekki ná í þetta fyrr en á morgun! Hún gat ekki afgreitt þetta af því að smáa letrið sagði 10. febrúar!! Afhverju voru þau að henda þessu inn um bréfalúguna hjá mér í dag ef ég má ekki sækja þetta fyrr en á morgun?? Nei, ég bara spyr...

Og til að kóróna gjörsamlega mína skoðun á þessum snarvitlausu dönum, þá eru þeir núna búnir að stofna mínu lífi og annara í hættu með því að storka örlögunum og ögra aðeins Múslimum og þeirra vinum með því að setja skopmynd af trúartákni þeirra í blöðin!! Vita danir ekki að þetta lið er EKKI eins og við og er snargeggjað í hausnum?? Nei, ég bara spyr...

Jæja, nóg komið af röfli í bili! Ég er sko ekki alltaf svona neikvæð ;) Eða finnst ykkur það? Nei, ég bara spyr....

He he he he... over and out people and good night!

jæja loksins komin með blogg...

2006-02-04T02:09:00.000+01:00

Loksins, loksins búin að læra á þetta bloggdót og ætla að byrja að blogga eins og allir þeir svölustu :)